ಅಗಸೆ ಬೀಜಗಳನ್ನು ತೂಗುತ್ತಿದ್ದ ತೋಝನ್ ನನ್ನು ಭಿಕ್ಕುವೊಬ್ಬ ಕೇಳಿದ 'ಬುದ್ದ ಎಂದರೇನು?'
ತೋಝನ್ ಉತ್ತರಿಸಿದ 'ಮೂರು ಪೌಂಡ್ ಅಗಸೆ ಬೀಜ'.

ಟಿಪ್ಪಣಿ: ಹಳೇ ಝೆನ್ಸಂತ ತೋಝನ್ ಒಂಥರಾ ಕಪ್ಪೆಚಿಪ್ಪಿನ ಹಾಗೆ. ಅದರೆರಡು ಪಕಳೆಗಳನು ತೆರೆದರೆ ಅಂಗಾಂಗಗಳನು ನೋಡಬಹುದು. ಆದರೆ ಅದು ನಿಜವಾದ ತೋಝನ್ ಆಗಿರಬಹುದೇ? ಹಾಗೆಯೇ ಬುದ್ದ!

ಮಮುನ್ ಮುಕ್ತಕ :
ಮೂಗಿನ ಹತ್ತಿರಕ್ಕೆ ಘಮಗುಡುವ
ಮೂರು ಪೌಂಡ್ ಅಗಸೆ ಬೀಜ
ಮನಸಿಗೂ ಬಲು ಸಮೀಪ.
ಪ್ರಮಾಣ, ನಿರಾಕರಣಗಳ
ಮಾತಿನ ಮಂದಿ ಸರಿತಪ್ಪುಗಳಲ್ಲೇ
ಬದುಕುತ್ತಾರೆ, ಕಾಣಲಾರರಷ್ಟೆ!

~ ಅಗುಳಿಯಿಲ್ಲದ ಅಗಸೆಬಾಗಿಲು 禪 >> ಆರ್.ಪಿ.