ಪೀರಿಯಡ್ಸ್ ಕವಿತೆಗಳು
**************
ಮೂರೂ ದಿನ ಇವಳೇ ದೇವರು!
ಪಾದ್ಯ..ಅರ್ಘ್ಯ..ಆಚಮನ.. ಅಭ್ಯಂಜನ
ನೈವೇದ್ಯ ಷೋಡಶೋಪಚಾರಗಳು
ಇಷ್ಟಲ್ಲದೇ ಕೊನೆಗೆ
ಏಕಾಂತ ಸೇವೆ ತಪ್ಪಿಸುವುದಿಲ್ಲ !!
***
ಹಾಸಿಗೆಯಂತೆ ,
ಚಾಪೆಯಲ್ಲೂ ನನಗೆ ಪಾಲಿದೆ...
ನನ್ನೆದೆಯ ಮೇಲೆ ತಲೆಯಿರಿಸದ ಹೊರತು
ನಿದ್ದೆ ಹತ್ತುವುದಿಲ್ಲ ಅವಳಿಗೆ!
***
ನಾನು ಒಳ್ಳೆ ಬಾಣಸಿಗ.
ಅದರೂ ಅವಳ ಆದೇಶಗಳು
ಅಡುಗೆ ಮನೆಯತ್ತ ತೋರುತ್ತಲೇ ಇರುತ್ತವೆ,
ತಳ ಹಿಡೀತು, ಉಕ್ಕೀತು .. ಉಪ್ಪು ನಾಲ್ಕೆ ಕಾಳು..
ಮುಗಿಸಿ ಉಣ್ಣುವಾಗ ನಳಪಾಕ.
****
ಬೆಚ್ಚಗೆ ಕೈ ಹಿಡಿದಪ್ಪಿ 'ಕವಿತೆ ಹೇಳೋ' ಎಂದು
ಹೊಗಳಿಸಿಕೊಳ್ಳುತಾ ಮೂರು ರಾತ್ರಿಗಳ ,
ಮೂರು ಗುಲಗಂಜಿ ಗಳಿಗೆ ಮಾಡುತ್ತಾಳೆ,
ಮಾಟಗಾತಿ!
****
ರಾತ್ರಿಯ ಸಮುದ್ರಸ್ನಾನಕ್ಕೆ
ಮತ್ತೆ ಮಡಿಯಾಗುತ್ತಿದ್ದೇನೆ..
ಮೂರು ದಿನಗಳ ನಂತರ!
**************
ಮೂರೂ ದಿನ ಇವಳೇ ದೇವರು!
ಪಾದ್ಯ..ಅರ್ಘ್ಯ..ಆಚಮನ.. ಅಭ್ಯಂಜನ
ನೈವೇದ್ಯ ಷೋಡಶೋಪಚಾರಗಳು
ಇಷ್ಟಲ್ಲದೇ ಕೊನೆಗೆ
ಏಕಾಂತ ಸೇವೆ ತಪ್ಪಿಸುವುದಿಲ್ಲ !!
***
ಹಾಸಿಗೆಯಂತೆ ,
ಚಾಪೆಯಲ್ಲೂ ನನಗೆ ಪಾಲಿದೆ...
ನನ್ನೆದೆಯ ಮೇಲೆ ತಲೆಯಿರಿಸದ ಹೊರತು
ನಿದ್ದೆ ಹತ್ತುವುದಿಲ್ಲ ಅವಳಿಗೆ!
***
ನಾನು ಒಳ್ಳೆ ಬಾಣಸಿಗ.
ಅದರೂ ಅವಳ ಆದೇಶಗಳು
ಅಡುಗೆ ಮನೆಯತ್ತ ತೋರುತ್ತಲೇ ಇರುತ್ತವೆ,
ತಳ ಹಿಡೀತು, ಉಕ್ಕೀತು .. ಉಪ್ಪು ನಾಲ್ಕೆ ಕಾಳು..
ಮುಗಿಸಿ ಉಣ್ಣುವಾಗ ನಳಪಾಕ.
****
ಬೆಚ್ಚಗೆ ಕೈ ಹಿಡಿದಪ್ಪಿ 'ಕವಿತೆ ಹೇಳೋ' ಎಂದು
ಹೊಗಳಿಸಿಕೊಳ್ಳುತಾ ಮೂರು ರಾತ್ರಿಗಳ ,
ಮೂರು ಗುಲಗಂಜಿ ಗಳಿಗೆ ಮಾಡುತ್ತಾಳೆ,
ಮಾಟಗಾತಿ!
****
ರಾತ್ರಿಯ ಸಮುದ್ರಸ್ನಾನಕ್ಕೆ
ಮತ್ತೆ ಮಡಿಯಾಗುತ್ತಿದ್ದೇನೆ..
ಮೂರು ದಿನಗಳ ನಂತರ!
