ಸೌಂದರ್ಯಲಹರಿ ಅನುವಾದ

ಶಂಕರನ ''ಸೌಂದರ್ಯಲಹರಿಯ'' ನನ್ನದೊಂದು ಅನುವಾದ :

ಲಲಾಟಂ ಲಾವಣ್ಯ ದ್ಯುತಿ ವಿಮಲ-ಮಾಭಾತಿ ತವ ಯತ್
ದ್ವಿತೀಯಂ ತನ್ಮನ್ಯೇ ಮಕುಟಘಟಿತಂ ಚಂದ್ರಶಕಲಮ್ |
ವಿಪರ್ಯಾಸ-ನ್ಯಾಸಾ ದುಭಯಮಪಿ ಸಂಭೂಯ ಚ ಮಿಥಃ
ಸುಧಾಲೇಪಸ್ಯೂತಿಃ ಪರಿಣಮತಿ ರಾಕಾ-ಹಿಮಕರಃ ||

ಲಲಿತೇ, ನಿನ್ನ ಹಸನಾದ ಹೊಳೆವ
ಹಣೆಯದು ಬಿದಿಗೆಚಂದ್ರಮನಂತೆ ಕಾಣುತಿರೆ
ಕಿರೀಟದ ಮೇಲ್ಮತ್ತೊಂದು ಅರ್ಧಚಂದ್ರನ ಚೂರು
ತಲೆಕೆಳಗು ಮಾಡಿ ಕೂಡಿಸಿದರಲ್ಲಿ
ಎರಡು ಹೋಳು ಒಂದಾಗಿಸಿ
ಅಮೃತವೇ ಹರಿವ ಪೂರ್ಣಚಂದಿರ
ಕಾಣುವನಲ್ಲಿ ನಿನ್ನ ಮೊಗದಲ್ಲಿ.