ವೇಲಿಂಗ್ ವಾಲ್

ಜೆರುಸಲೇಂನ ಪಶ್ಚಿಮಗೋಡೆಗೆ ಒಂದು ಪತ್ರ (ವೇಲಿಂಗ್ ವಾಲ್ )
*************************

ನನ್ನದೊಂದು ಖಾಲಿ ಪತ್ರವನಿಟ್ಟು
ಪ್ರಾರ್ಥಿಸುವೆ ಪ್ರಭುವೇ
ಬವಣೆಗಳ ಬರೆಯಲಾಗದು
ಭಾವಿಸೋ ಭಗವಂತ..

ನಿನ್ನ ಕೊಂಡಿಗಳಲಿ ಸಿಕ್ಕಿರುವ
ಅಸಂಖ್ಯ ಕೋರಿಕೆಗಳಲಿ
ನಾನು ಕೂಗುವ ಕೂಗು
ನಿನ್ನ ಪಾದಕೆ ಅರುವಾಗಲಿ

ನನ್ನ ಮೂರು ಮುಕ್ಕೋಟಿ
ದೇವತೆಗಳ ಬದಿಗಿಟ್ಟು
ನಿನ್ನ ಬಳಿ ಸಾರಿರುವೆ
ಎದೆಗೆ ಬಾಚಿಗೆಕೊಳ್ಳೋ
ಒಮ್ಮೆಗೇ ಉಸಿರು ನಿನ್ನದಾಗಲಿ

ನನ್ನೀ ಅಳು, ನಿನಗಿತ್ತ ಮುತ್ತು
ಮೈಮರೆತ ಮನ ...
ಇದೋ ಪೂಜೆ ಮುಗಿಯಿಷ್ಟೇ!
ವರಕ್ಕೆ ಕಾಯುತ್ತಾ ಈ ಗೋಡೆಯ
ಕೊಂಡಿಯ ಹಲ್ಲಿಯಾಗುತ್ತೇನೆ. - RP